Жаңылыктар

Сессия Бекжан Усеналиевдин төрагалыгы алдында, төраганын орун басары Жылдызбек Абдраимовдун, фракция лидерлеринин, туруктуу комиссиялардын төрагаларынын, Бишкек шаардык кеңешинин депутаттарынын, Бишкек шаарынын мэри Айбек Джунушалиевдин, Бишкек шаарынын мэринин орун басарларынын, Бишкек шаарынын төрт райондук администрациясынын акимдеринин, ошондой эле шаардык кызматтардын жана муниципалдык ишканалардын жетекчилеринин катышуусунда өттү. Жалпысынан, депутаттар 17 маселе карашты. Бардык маселелер добуш берүүдө колдоо тапты, XIII сессия өз ишин ийгиликтүү жыйынтыктады.

Бишкек шаардык кеңешинин төрагасы Бекжан Усеналиевдин төрагалыгы алдында Президиумдун отуруму өттү. Президиумдун ишине Бишкек шаардык кеңешинин төрагасынын орун басары Жылдызбек Абдраимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары, Бишкек шаарынын мэринин биринчи орун басары Кубанычбек Иманалиев, мэрдин орун басарлары жана Бишкек шаарынын мэриясынын муниципалдык администрацияларынын башчылары катышты. Сессиянын күн тартибинин долбоору боюнча маселелер каралып, түзүлдү.

Урматтуу борбор калаабыздын тургундары, мекендештер!

  Сиздерди Бишкек шаардык кеңешинин жана жеке өзүмдүн атымдан Нооруз майрамыңыздар менен чын дилимден куттуктайм!

Жаркыраган жаз менен эл күткөн Нооруз майрамы да босогону аттап кирип келди. Нооруз майрамы - токчулуктун, ырыскынын, жаңылануунун майрамы! Байыртадан бул күн жаңы көктөмдүн башталышын жар салган өзгөчө күн катары белгиленип келген. Жазда өрүк гүлү менен кошо жаңы үмүт-тилектер бүчүр алып, күн түн менен теңелип, табият ойгонот.

Ушул кубанычтуу майрамда жергебизде тынчтык болуп, ар бир үйгө бакыт, кубаныч алып келсин! Ар бирибиздин жүрөгүбүздө жакшылыктын, биримдиктин, бир туугандыктын сезими болсун.

Шаарыбыздын өнүгүшү, ар бир үй-бүлөнүн бакубат жашоосу - биздин башкы максатыбыз. Биргелешкен аракет, жоопкерчилик жана жарандык активдүүлүк аркылуу борбор калаабызды мындан да көрктүү, ыңгайлуу жана коопсуз шаарга айландыра алабыз деп ишенем.

Баарыңыздарга чың ден соолук, бакыт-таалай жана бакубатчылык каалайм. Нооруз жүрөгүбүздү кубанычка, жаркын келечекке болгон үмүткө толтурсун. Ар бир үйдө балдардын күлкүсү жанырып, бакыт менен ырыскыга толсун, өлкөбүздө тынчтык, токчулук болсун!

Урматтоо менен,

Бишкек шаардык кеңешинин төрагасы Бекжан Усеналиев.

Урматтуу Бишкек шаарынын тургундары жана борбор калаанын коноктору!

Сиздерди Бишкек шаардык кеңешинин жана жеке өзүмдүн атымдан ыйык Орозо айт майрамы менен чын дилимден куттуктайм!

Орозоңуздар кабыл болсун жана бардык жакшы тилектер орундалсын!

Ыйык Орозо айында жасалган бардык жакшы иштер улантылсын! Элибиздин биримдиги бекем болуп, өлкөбүздө тынчтык жана ынтымак болсун. Ар бирибиз жакшы иштерди жасап, коомубуздун өнүгүшүнө өз салымыбызды кошо берели.

Бул куттуу күн ар бир үй-бүлөгө тынчтык, береке жана жылуулук алып келсин. Жараткан ар бириңиздерге бекем ден соолук, узун өмүр, ырыскы-насип жана үй-бүлөлүк бакыт берсин. Үйлөрүңүздөрдө дайыма кубаныч, ынтымак жана береке орносун.

Айтыңыздар маарек болсун!

Урматтоо менен,

Бишкек шаардык кеңешинин Төрагасы Бекжан Усеналиев.

Урматтуу апалар, эже, карындаштар, ардактуу айымдар!

  Бишкек шаардык кеңешинин жана жеке өзүмдүн атымдан сиздерди  эл аралык айымдар күнү - 8-март  майрамыңыздар  менен чын жүрөктөн куттуктайм.  

Адамга өмүр тартуулаган ааламдын эң асылы – Аялзатты даңазалаган  бул майрам, жаз айынын башталышында белгиленип, мээримдүүлүктүн, сулуулуктун символу катары сезилет. Сиздер бар үчүн үйүбүз берекеге толуп, бактылуу жашоо кечирип келебиз. Сабырдуулук, акылмандык, мээримдүүлүк  менен бизди жакшыга  шыктандырып турасыздар. Кайгы тартып, кыйынчылыкка туш болсок - кайрат айтып,  кубансак - акыл айтып, адашсак - жол көрсөтүп, бизди жамандыктан сактаган, жакшылыкка багыттаган акылмандыгыңар, айкөлдүгүңөр баа жеткис.

   Сиздер үй-бүлөлүк түйшүк менен кошо, коомдук иште да оор жүктү көтөрүп, жоопкерчиликтүү кызматкерлер, мыкты профессионалдар катары Бишкек шаарынын, мамлекетибиздин өсүп-өнүгүшүнө салымыңыздарды кошуп келатасыздар.  Сиздерге терең таазим! 

Бюджеттик угуулар Бишкек шаардык кеңешинин депутаттарынын, жергиликтүү өз алдынча башкаруунун аткаруу органынын жетекчилеринин жана шаардык жарандык коомдун өкүлдөрүнүн катышуусунда өтөт. Белгилей кетсек, мындай иш-чаралар коомчулукту маалымдоо жана бюджет долбоорун кароо, ошондой эле бюджеттик каражаттарды пайдалануу жол-жоболорунун ачыктыгын камсыз кылуу максатында жыл сайын өткөрүлөт. Жалпы шаардык бюджеттик угуу төмөнкү даректе өтөт: Чүй проспектиси 168а дарегинде жайгашкан «Тунгуч» театрынын имаратында (мурунку Жаштар драмалык театры).

Урматтуу Бишкек шаарынын тургундары жана коноктору!

2025-жыл менен коштошуп, 2026-жылды тосуп алып жатабыз. Сиздерди Бишкек шаардык кеңешинин жана жеке өзүмдүн атымдан кележаткан жаңы жылыңыздар менен чын жүрөктөн куттуктайм!

Өтүп бара жаткан жыл шаарыбыз үчүн маанилүү иштердин, өзгөрүүлөрдүн жана ынтымактуу эмгектин жылы болду. Бул жетишкендиктер сиздердин ишенимиңиздердин, колдооңуздардын жана биримдигибиздин жыйынтыгы.

Келе жаткан 2026-жыл ар бир үй-бүлөгө бакыт, ден соолук жана береке алып келсин. Балдарыбыздын күлкүсү, ата-энелерибиздин батасы ар дайым жан дүйнөбүздү жарык кылып турсун. Бишкек шаарыбыз тынч, коопсуз жана мындан да көрктүү болсун.

         Жаңы жылыңыздар берекелүү, кирешелүү жана жакшылыктарга бай болсун! Өнүккөн, көрктүү жана заманбап Бишкек үчүн бирге эмгектенип, жаркын келечекке биргеликте умтулалы. Сиздерге бекем ден соолук, жан дүйнө тынчтыгын, үй-бүлөлүк жылуулук жана бакубатчылык каалайм. Эң асыл кыялдарыңыздар орундалып, жаңы жылдын ар бир күнү жарыкка, жакшы кабарларга жана жылмаюуларга толсун. Өлкөбүздө тынчтык, ынтымак жана гүлдөп-өсүү болсун.

Жаңы жылыңыздар менен, урматтуу шаардыктар!

Сессиянын башында Бишкек шаардык кеңешинин жаңы депутаттары — Мамырканов Бекзат Тынчылыкович жана Дунканаев Айбек Медетбекович — салтанаттуу түрдө ант беришти, ошондой эле депутаттык күбөлүктөрү жана значоктору тапшырылды.
Сессия Бекжан Усеналиевдин төрагалыгы алдында, төраганын орун басары Жылдызбек Абдраимовдун, фракция лидерлеринин, туруктуу комиссиялардын төрагаларынын, Бишкек шаардык кеңешинин депутаттарынын, Бишкек шаарынын мэри Айбек Джунушалиевдин, Бишкек шаарынын мэринин орун басарларынын, Бишкек шаарынын төрт райондук администрациясынын акимдеринин, ошондой эле шаардык кызматтардын жана муниципалдык ишканалардын жетекчилеринин катышуусунда өттү.
Күн тартибине ылайык депутаттар 11 маселени карашты.
Күн тартибине коюлган бардык маселелер колдоого алынды, андан кийин XII сессия өз ишин аяктады.

Кенен маалымат...

Бишкек шаардык кеңешинин төрагасы Бекжан Усеналиевдин төрагалыгы алдында Президиумдун отуруму өттү. Президиумдун ишине Бишкек шаардык кеңешинин төрагасы Бекжан Усеналиев, төраганын орун басары Жылдызбек Абдраимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары, Бишкек шаарынын мэри Айбек Джунушалиев, Бишкек шаарынын мэринин орун басарлары катышты.
Сессиянын күн тартибинин долбоору боюнча маселелер каралды жана түзүлдү.

Бишкек шаардык кеңешинин төрагасы Бекжан Усеналиев Бишкек шаарынын прокуратура кызматкерлерин кесиптик майрамы менен куттуктап, алардын ак ниет эмгеги, жогорку кесипкөйлүгү жана борбор шаардын өнүгүүсүнө кошкон жеке салымына терең ыраазычылык билдирди.

Иш-чаранын жыйынтыгында мыкты көрсөткүчтөргө ээ болгон кызматкерлер Бишкек шаардык кеңешинин Ардак грамоталары жана «Патриот» белгиси менен сыйланышты.

Кенен маалымат...

2025-жылдын 17-ноябрында Бишкек шаардык кеңешинин XXIX чакырылышынын кезексиз XI сессиясы Бишкек шаардык кеңешинин төрагасы Бекжан Усеналиевдин төрагалыгы алдында болуп өттү.

Күн тартибине ылайык депутаттар бир маселени карашты:

1. «Бишкек шаарынын жергиликтүү өз алдынча башкаруусунун өкүлчүлүктүү органынан Бишкек аймактык шайлоо комиссиясынын резервине талапкерлерди көрсөтүү жөнүндө» Бишкек шаардык кеңешинин токтомунун долбоору.

Токтомдун долбоорун депутаттар тарабынан колдоого алынып, кабыл алышты.

Сессиянын жүрүшүндө «ар кандай» бөлүмүнө кошумча маселе киргизилип, Бишкек шаарынын мэриясы тарабынан жүргүзүлгөн рейддердин жыйынтыгына жана энергетикалык чектөөлөрдүн абалына байланыштуу Бишкек шаарынын мэринин орун басары Рамиз Алиевдин кыскача маалыматы угулду. Баяндамачы маалымдагандай, рейддердин жыйынтыгы боюнча учурда бир дагы чарба субъектиси жабылбагандыгын билдирди.

Күн тартибиндеги бардык маселелер каралып бүткөндөн кийин сессия өз ишин жыйынтыктады.

2025-жылдын 17-ноябрында, саат 10-00дө, Бишкек шаары, Чүй проспекти, 166 дарегиндеги Бишкек шаарынын мэриясынын жыйындар залында XXIX чакырылыштагы Бишкек шаардык кеңешинин кезексиз XI сессиясы болот.

         Аймактык шайлоо комиссияларынын резервине берилүүчү документтердин тизмеси:

- аймактык шайлоо комиссиясынын курамында иштөөгө макулдугу жөнүндө арыз жана Кыргыз Республикасынын шайлоо мыйзамдарынын ченемдерин сактоо тууралу милдеттенме;

- паспорттун көчүрмөсү;

- иштеген жери, окуусу, билими көрсөтүлгөн биографиялык маалыматтар (кадрларды каттоо боюнча өздүк баракча же резюме);

- байланыш маалыматтар: жашаган жеринин дареги, телефон номурлары (үйдүкү, электрондук почтасы);

- көрсөткөн субъектинин протоколу;

- макулдук формасы.

         Көрсөтүүчү субъектилер шайлоо комиссиясынын мүчөлүгүнө талапкерлерди көрсөтүү учурунда шайлоо комиссиясынын мүчөлүгүнө талапкер, эреже катары, тиешелүү калктуу пункттун аймагында жашоого тийиш экенин эске алуулары зарыл.

         Зарыл документтердин үлгүлөрү: арыз, жарандардын чогулушунун протоколу, жеке маалыматтардын типтүү формасы.

         Маалымат алуу үчүн телефон: (0312) 61-34-65

Тиркеме (docx.39kb)

Тиркеме 2 (docx.40kb)

Тиркеме 3 (docx.21kb)

Бишкек шаардык кеңешинин кезексиз X сессиясы болуп өттү
2025-жылдын 7-ноябрында Бишкек шаардык кеңешинин XXIX чакырылыштагы кезексиз X сессиясы болуп өттү. Сессияга Бишкек шаардык кеңешинин төрагасы Бекжан Усеналиев төрагалык кылды. Күн тартибине ылайык, депутаттар үч маселени карашты.
1.       “Бишкек шаардык кеңешинин 2024-жылдын 23-декабрындагы №6 “Бишкек шаардык кеңешинин XXIX чакырылышынын туруктуу комиссияларынын курамдарын бекитүү жөнүндө” токтомуна өзгөртүүлөрдү жана толуктоолорду киргизүү тууралуу” Бишкек шаардык кеңешинин токтом долбоору.
2.    “Бишкек шаардык кеңешинин 2024-жылдын 23-декабрындагы №7 "Бишкек шаардык кеңешинин XXIX чакырылышынын туруктуу комиссияларынын төрагаларын жана төрагаларынын орун басарларын бекитүү жөнүндө" токтомуна өзгөртүүлөрдү киргизүү тууралуу” Бишкек шаардык кеңешинин токтом долбоору.
3.    “Бишкек шаардык кеңешинин 2017-жылдын 29-ноябрындагы №37 "Бишкек шаардык кеңештин сыйлыктары жөнүндө" токтомуна өзгөртүүлөрдү киргизүү тууралуу” Бишкек шаардык кеңешинин токтом долбоору.
Бардык маселелер кабыл алынып, сессия өз ишин жыйынтыктады.

Кенен маалымат...

 Бишкек шаардык кеңешинин кезексиз сессиясы өтөт

2025-жылдын 7-ноябрында, саат 10-00дө, Бишкек шаары, Чүй проспекти, 166 дарегиндеги Бишкек шаарынын мэриясынын жыйындар залында XXIX чакырылыштагы Бишкек шаардык кеңешинин кезексиз X сессиясы болот.