Долбоор

Бишкек шаарынын мэриясы

2025-жылдын «__» __________

БИШКЕК ШААРДЫК КЕҢЕШИНИН ТОКТОМУ

Бишкек шаарындаоюн-зоок сейил багын

куруу жана иштетүү маселелери жөнүндө

Шаардык инфратүзүмдү  жакшыртуу,  шаардыктардын жана  борбор шаардын меймандарынын эс алуусун  уюштуруу үчүн  шарт түзүү максатында, Кыргыз Республикасынын Министрлер Кабинетинин                    2024-жылдын 6-сентябрындагы №535-т тескемесин эске алып,  «Жергиликтүү мамлекеттик администрация жана жергиликтүү өз алдынча башкаруу органдары жөнүндө», «Борбордун статусу жөнүндө»,  «Мүлккө муниципалдык  менчик жөнүндө» Кыргыз Республикасынын мыйзамдарына, Кыргыз Республикасынын Министрлер Кабинетинин 2025-жылдын 25-январындагы № 37 «Кыргыз Республикасынын Бишкек шаарынын аймагында жайгашкан жерлерди «Айыл чарба багытындагы жерлер» категориясынан «Калктуу конуштардын жерлери» категориясына которуу (трансформациялоо) жөнүндө» токтомуна ылайык Бишкек шаардык кеңеши токтом кылат:

1. Бишкек шаарынын Жайыл Баатыр жана Ала-Арча көчөлөрүнүн кесилишинде оюн-зоок сейил багын куруу жана иштетүү жөнүндө Бишкек шаарынын мэриясы менен  «Евразия Кей Джи» коомдук фондусунун ортосундагы  макулдашуунун расмий тилде тиркелген долбоору (мындан ары – Макулдашуунун долбоору)  жактырылсын.

2. Бишкек шаарынын мэрине   принципиалдуу  эмес мүнөздөгү өзгөртүүлөрдү жана толуктоолорду киргизүү укугу менен Макулдашууга кол тамга коюуга ыйгарым укук берилсин.

3. «Евразия Кей Джи» коомдук фондусуна  курулушу аяктагандан кийин оюн-зоок сейил багын пайдаланууга берүүгө жана Макулдашуу тарабынан каралган шарттарда Бишкек шаарынын муниципалдык менчигине өткөрүп берүүгө  макулдук берилсин.

4. Бишкек шаарынын мэриясы  ушул токтомдон келип чыккан тийиштүү чараларды көрсүн.

5. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

6. Ушул токтомдун аткарылышын контролдоо Бишкек шаардык кеңешинин муниципалдык менчик, жер маселелери, шаар куруу жана архитектура боюнча туруктуу комиссиясына жана Бишкек шаарынын мэринин муниципалдык мүлк маселелерин жетектеген орун басарына   жүктөлсүн.

7.  Ушул токтом  расмий  жарыяланган күндөн тартып күчүнө кирет.

Бишкек

шаардык кеңешинин төрагасы                                             Б.Б. Усеналиев

Тиркеме  (docx. 39kb)
Маалымкат негиздеме (docx. 26kb)
Финансылык корутунду (pdf. 277kb)
Юридикалык корутунду (pdf .273kb)