Кыргыз Республикасынын Министрлер Кабинети
Опубличковано 22.10.2025.г
БИШКЕК ШААРДЫК КЕҢЕШИНИН
ТОКТОМУ
2025-жылдын 7-октябрында № 52
2023-жылга карата Бишкек шаарын социалдык-экономикалык өнүктүрүү программасын жана 2024-2025-жылдарга
болжолун ишке ашыруу жөнүндө отчёт тууралуу
«Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамынын 34, 39-беренелерине ылайык Бишкек шаардык кеңеши
ТОКТОМ КЫЛАТ:
- 2023-жылга карата Бишкек шаарын социалдык-экономикалык өнүктүрүү программасын жана 2024-2025-жылдарга болжолун ишке ашыруу жөнүндө отчёт эске алынсын.
- Бишкек шаарынын мэриясы 2023-жылдагы социалдык-экономикалык өнүктүрүү программасынын аткарылышы жөнүндө маалыматты расмий сайтка жарыяласын.
- Шаардагы жол тыгындары боюнча пайда болгон курч кырдаалды чечүү үчүн Бишкек шаарынын мэриясы:
– эки айлык мөөнөттө борбордун жол-транспорт инфраструктурасын өнүктүрүүнүн комплекстүү программасын иштеп чыксын;
– программанын алкагында вело-жолдорду, тротуарларды, коомдук транспорт үчүн атайын тилкелерди пайдаланууну эске алуу менен Бишкек шаарынын жол-транспортун өнүктүрүү концепциясын аныктасын;
– иштелип чыккан программаны Бишкек шаардык кеңешинин кароосуна киргизсин.
- Ушул токтомдун аткарылышын контролдоо Бишкек шаардык кеңешинин экономика, бюджет, финансы жана инвестициялар боюнча туруктуу комиссиясына жана Бишкек шаарынын мэрине (А. Дж. Джунушалиев) жүктөлсүн.
Бишкек шаардык кеңешинин
төрагасы Б. Усеналиев
