Жаңылыктар

Жаӊы жылдын алдында Бишкек шаардык кеӊештин депутаты Адиса Имангазиева кичинекей балдарга гана эмес, Свердлов районунун улуу муундагы тургундарына да майрамдык маанай тартуулай алды.

Бүгүн, БШКнын депутаты «Аламүдүн-1», «Чыгыш-5», «Чыгыш-6», «Учкун» кичи райондорунан жана «Төкөлдөш» жаны конушунан келген көп балалуу, аз камсыз болгон, толук эмес үй-бүлөлөрдөн келген жана томолой жетим балдарга үч иш чара уюштуруп, өткөрдү. Аталган иш-чаралар «Аламүдүн-1» кичи районундагы №1 жана №38 мектептердин залдарында жана «Чыгыш-5» кичи районундагы №66 мектептин залында өттү.

Майрамдык иш-чара музыка жана жомоктогу каармандардын катышуусу менен театрлаштырылган көрсөтүүсү Аяз ата жана Аяз кыздын катышуусу менен өттү.

Жалпысынан иш-чарага 600дөй бала, ошондой эле Свердлов районунун үй жана малаа башчылары катышты.

БШКнын депутаты бардык катышуучуларды кирип келе жаткан Жаӊы жыл менен куттуктап, ар бирине белектерди тапшырды. Балдар таттуу-тарапа, оюнчуктарды жана сувенирлерди алышты. Ал эми чоӊдорго Адиса Имангазиева өзүнчө белектерди даярдап коюптур.

Иш-чараларды уюштурууда депутаттын жардамчысы Наталья Владимировна чоӊ салымын кошту.

• 
• 
•