Кыргыз Республикасынын Министрлер Кабинети
Бишкекте Баткен жоокерлеринин эстелигинин жанында Баткен окуясына арналган митинг-реквием болуп өттү.
Иш-чарага Бишкек шаардык кеңештин депутаты Алмазбек Уланов, жоокер-интернационалисттер, каза болгондордун туугандары, ошондой эле республиканын Куралдуу Күчтөрүнүн өкүлдөрү катышты.
Митингдин катышуучулары каза болгон Баткен жоокерлерин аза күтүү минутасы менен эскерип, эстеликке гүл чамгырларды коюшту.
Шаардык кеңештин депутаты - Алмазбек Уланов митингде чыгып сүйлөө менен, иш-чаранын катышуучуларына, Ата-Мекенди коргоо – ар бир жарандын ыйык милдети экендигин эскертти.
Бишкек шаардык кеңештин депутаты: “Биздин өлкөнүн ар бир жараны үчүн Баткен окуясы Кыргызстандык жоокерлердин кайраттуулугунун жана эрдигинин үлгүсү, Ата-Мекенди ишенимдүү коргоонун символу болуп калды.
Бүгүн 18 жыл мурун болгон окуяны эскерүү менен, биз Ата-Мекен алдында эрдик, кайраттуулук, эр жүрөктүүлүк жана чыныгы мекенчилдикти көрсөткөндөргө, аскердик жана жарандык милдетин ар намыстуулук менен аткаргандарга терең сый-урмат көрсөтүп жатабыз. Силер өзүңүздөрдүн тайманбастыкты, туруктуулукту жана жогорку аскердик каармандыкты көрсөттүңөр”- деп айтты.
