Кыргыз Республикасынын Министрлер Кабинети
Бүгүн Токтоналиев көчөсүндө жол, тротуар, ирригациялык тармакты куруу, тосмо орнотуу жана бак-дарактарды отургузуу жөнүндө маселелер талкууланган Бишкек шаардык кеңештин ТЖКЧ боюнча туруктуу комиссиясынын отуруму болуп өттү.
Депутаттар, ТЖКЧ боюнча туруктуу комиссиянын мүчөлөрү жол-курулуш иштерин, ошону менен бирге, Джаманбаев көчөсүнөн Ала-Арча суусуна чейинки участокто жөө адамдардын коопсуздугу үчүн жол боюна ирригациялык тармактын өткөрүлөөрүн, металл тосмолордун орнотулаарын сурашты.
Вице-мэр Бакыт Дюшембиевдин сөзү боюнча Токтоналиев көчөсүн реконструкциялоо боюнча иш жүрүп жатат жана курулуш планына ылайык, кичине арык тармактары каралган, жол жээгине тосмолор орнотулат. Жол жээгине чоң бак-дарактарды отургузуу пландалып жатат.
ТЖКЧ боюнча туруктуу комиссиянын отурумунун жыйынтыгы боюнча депутаттар октябрь айынын аягында шаардын жолдорун кыдырып чыгуу жана мэрия тарабынан жүргүзүлүүчү иштердин сапатын текшерүү чечимин кабыл алышты.
