Бишкек шаарынын үй жана кварталдык комитеттеринин аймактарынын чектерин бекитүү жөнүндө

: 23 Август 2023

Долбоор
Бишкек шаарынын мэриясы
2023-жылдын «_____» _________

БИШКЕК ШААРДЫК КЕҢЕШИНИН ТОКТОМУ

Бишкек шаарынын үй жана кварталдык комитеттеринин аймактарынын чектерин бекитүү жөнүндө

Бишкек шаарынын үй жана кварталдык комитеттеринин аймактарынын чектерин тартипке келтирүү максатында, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Кыргыз Республикасынын Мыйзамына, Кыргыз Республикасынын Өкмөтүнүн 2001-жылдын 10-октябрындагы №625 токтому менен бекитилген «Аймактык коомдук өз алдынча башкаруу органдары жөнүндө жобого» ылайык, Бишкек шаардык кеңеши

ТОКТОМ КЫЛАТ:

1. Төмөнкүлөр бекитилсин:

- Бишкек шаарынын үй комитеттеринин аймактарынын чектери 1-18-тиркемелерге ылайык;

- Бишкек шаарынын кварталдык комитеттеринин аймактарынын чектери 19-38-тиркемелерге ылайык.

2. Аймактык коомдук өз алдынча башкаруу органдарынын иш-аракеттеринин аймагынын чектерин белгилөө укугу чечим кабыл алуу жолу менен Бишкек шаардык кеңешинин жергиликтүү өз алдынча башкаруу жана коомдук уюмдар менен иштөө боюнча туруктуу комиссиясына берилсин.

3. Бишкек шаардык кеңешинин 2013-жылдын 27-июнундагы № 38 «Бишкек шаарынын үй жана кварталдык комитеттеринин аймактарынын чектерин бекитүү жөнүндө» токтому күчүн жоготту деп таанылсын.

4. Ушул токтом каттоодон өткөрүлсүн жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

5. Ушул токтомдун аткарылышын контролдоо Бишкек шаардык кеңешинин жергиликтүү өз алдынча башкаруу жана коомдук уюмдар менен иштөө боюнча туруктуу комиссиясына жана Бишкек шаарынын мэриясынын аппарат жетекчисине жүктөлсүн.

Бишкек шаардык кеңешинин
төрагасы

Конгантиев Куванычбек Камбаралыевич

Фото

Знаменательные даты

05Окт

День работников образования Кыргызской Республики

07Окт