Шрифттин өлчөмү
Аралык
Сүрөттөр
 
2025-жылдын 25-июнунда XXIX чакырылыштагы Бишкек шаардык кеңешинин кезектеги VII сессиясы болуп өттү.
Президиум Бишкек шаардык кеңешинин кезектеги VII сессиясынын күнүн жана убактысын 2025-жылдын 25-июнуна саат 09-00 го белгиледи
Урматтуу борбор калаанын тургундары жана коноктору! Сиздерди Бишкек шаардык кеңешинин жана өзүмдүн атымдан ыйык Курман айт майрамы менен чын жүрөктөн куттуктайм!
Бүгүн, 2025-жылдын 12-майында XXIX чакырылыштагы Бишкек шаардык кеңешинин кезектеги VI сессиясы болду
Бишкек шаардык кеңешинин төрагасы Бекжан Бактыбекович Усеналиевдин куттуктоосу

Жаңылыктар

Президиум Бишкек шаардык кеңешинин кезектеги VI сессиясынын күнүн жана убактысын 2025-жылдын 12-майына саат 09-00 го белгиледи. Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү. 

30.04.2025  

Президиум Бишкек шаардык кеңешинин кезектеги VI сессиясынын күнүн жана убактысын 2025-жылдын 12-майына саат 09-00 го белгиледи.
Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү. 

Президиумдун ишине Бишкек шаардык кеңешинин төрагасынын орун басарлары Жылдызбек Абдраимов жана Болот Ибрагимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары жана Бишкек шаарынын мэринин орун басарлары катышты. 

Сессиянын күн тартибинин долбоору боюнча маселелер каралды жана түзүлдү.

Бишкек шаардык кеңешинин төрагасы Бекжан Бактыбекович Усеналиевдин куттуктоосу

29.04.2025

Бишкек шаардык кеңешинин төрагасы Бекжан Бактыбекович Усеналиевдин куттуктоосу

Урматтуу Бишкек шаарынын тургундары жана коноктору!

    Баарыңыздарды Бишкек шаардык кеңешинин депутаттарынын жана жеке өзүмдүн атымдан сүйүктүү шаарыбыздын – даңазалуу жана меймандос Бишкектин туулган күнү менен куттуктайм! 
    Бүгүн борбор калаабызга 147 жыл толду. 
Бишкек - өлкөбүздүн административдик жана маданий борбору гана эмес, Кыргызстандын жүрөгү, бай тарыхы, кайталангыс колорити, жан дүйнөсү кең, мүнөзү жылуу шаар. Бул өткөн менен келечек жолугуп, каада-салт сакталып, жаңы идеялар жаралган жер.
Биз анын бай маданий мурастары, жайлуу көчөлөрү, заманбап ишканалары жана албетте, биздин боорукер, сезимтал, эмгекчил жашоочуларыбыз менен сыймыктанабыз. Шаарды жандуу, кооз жана чыныгы сүйүктүү кылган силерсиңер  кымбаттуу мекендештер! 
Бул күн ар бирибиз үчүн өзгөчө!

Сүйүктүү шаарыбыздын келечеги кең, ал эми анын эмгекчил жана камкор тургундары иштерин ийгиликтүү ашырууга жана эң сонун долбоорлорду ишке ашырууга бай мүмкүнчүлүктөргө ээ экенине ишенем. 
Урматтуу Бишкектиктер, Сиздерге чын ден соолук, бакыт таалай, бакубатчылык жана жаңы ийгиликтерди каалайм!
Шаарыбыз гүлдөп, өсүп өнүгө берсин! 
Майрамыңыздар менен!   
Урматтоо менен, Б.Усеналиев

2025-жылдын 18-апрелинде XXIX чакырылыштагы Бишкек шаардык кеңешинин кезектеги V сессиясы болду

18.04.2025

Бүгүн, 2025-жылдын 18-апрелинде XXIX чакырылыштагы Бишкек шаардык кеңешинин кезектеги V сессиясы болду, анда күн тартибине ылайык маселелер каралды, атап айтканда: - туруктуу комиссиялардын төрагаларын жана курамдарын бекитүү, - Бишкек шаарында оюн-зоок сейил багын куруу жана иштетүү маселелери, - “Тазалык” жана “Бишкекшаарлифт” МИлеринин 2024-жылда аткарган иши тууралуу маалыматтары, - Төкөлдөш конушунун жер участоктору боюнча маалымат, - Токомбаев көчөсү, 33, 27/3, Масалиев көчөсү, 81 үйлөрүнүн жашоочуларынын электр энергиясынын өчүрүлүшү боюнча кайрылуусу жөнүндө маалымат.

Президиум Бишкек шаардык кеңешинин кезектеги V сессиясынын күнүн жана убактысын 2025-жылдын 18-апрелине саат 09-00 го белгиледи

15.04.2025

Президиум Бишкек шаардык кеңешинин кезектеги V сессиясынын күнүн жана убактысын 2025-жылдын 18-апрелине саат 09-00 го белгиледи.
Бекжан Усеналиевдин төрагалыгы алдында Бишкек шаардык кеңешинин Президиумунун отуруму өттү. 

Президиумдун ишине Бишкек шаардык кеңешинин төрагасынын орун басарлары Жылдызбек Абдраимов жана Болот Ибрагимов, фракция лидерлери, туруктуу комиссиялардын төрагалары, Бишкек шаардык кеңешинин депутаттары жана Бишкек шаарынын мэринин орун басарлары катышышты. 

Сессиянын күн тартибинин долбоору боюнча маселелер каралды жана түзүлдү.

БШКнын токтомдору

Туруктуу комиссиялар депутаттык фракция жана группалардан түзүлөт.

БШКнын бюджет жана финансы комиссиясынан тышкары, комиссиялардагы ар бир фракциядан депутаттардын саны ар бир фракциядагы мандатка пропорциалуу болушу керек. Бюджет жана финансы боюнча комиссияга фракция азчылыгынан, же фракция азчылыгынын коалициясынан, же фракциялар аралык макулдашуулардан соӊ 50 пайызы кирет. Шаардык кеӊештин депутаты бир эле туруктуу комиссиянын мүчөсү боло алат.

Бишкек шаардык кеӊештин XXVII чакырылышынын туруктуу комиссияларынын төрагалары жана орун басарлары:

1. Регламент, укук маселелер жана укук тартиби боюнча туруктуу комиссия: Төрагасы — Досалиев Э. А., орун басары — Лисниченко В. М.

2. Бюджет жана финансы боюнча туруктуу комиссия: Төрагасы — Кулматова Н. А. («Кыргызстан» фракциясынын чечими менен), орун басары — Докенов Э. Ш. (көпчүлүк фракция коалициясынын чечими менен)

3. Социалдык маселелер боюнча туруктуу комиссия: Төрагасы — Сыдыков Э. М., орун басары — Апсатар уулу Айжигит

4. Муниципалдык менчик, жер маселелер, шаар курулуш жана архитектура боюнча туруктуу комиссия: Төрагасы — Абдраев Б. К., орун басары — Акылбеков А. А.

5. Турак жай-коммуналдык чарба, отун энергетикалык комплекс, транспорт, коммуникациялар жана инвестициялар боюнча туруктуу комиссия: Төрагасы — Салымбеков Ж. М., орун басары — Исмаилов С. А.

6. Жергиликтүү өз алдынча башкаруу жана коомдук уюмдар менен иштөө боюнча туруктуу комиссия: Төрагасы — Жумалиев Ч. З., орун басары — Алымов Ж. Ж.